Belarus-in hri leng karah military parade buatsaih

Belarus chuan Nazi Germany hneh an nihna champha, Victory Day vawi 75-na chu nimin khan an rama hri leng karah a buatsaih a, an ram khawpui Minsk-ah military parade a buatsaih. 

Military parade buatsaihah sipai 4,000 vel an tel a, parade en tur hian mipui pungkhawm an ṭhahnem hle. Hri leng vangin Soviet union ram ni ṭhinte chuan Victory Day parade hi an ṭhulh a, Belarus ram chauh hian a kaltlangpui a ni. 

Belarus ramah hian hri kai hi 20,000 chuang an awm tawh a, mi 121 in an thihpui tawh bawk. World Health Organisation chuan Victory Day hi kawng danga lawmna buatsaih a, mipui punkhawmna buatsaih lo turin ngen mah se, president Alexander Lukashenko chuan a zawm duh lo a ni. President chuan a kalphung thlak tumna rilru put ringawt pawh an duh lo tih sawiin, thlan tur dang an nei lo tih a sawi. Military parade en tura pungkhawm zinga tam tak chuan hmaituamna pawh an hmang lo a ni.