Indonesia lirnghing vanga thi mi 250 chuang tawh

Indonesia rama Thawhṭannia West Java-a magnitude 5.6-a naa lirghing vanga thi chu nimin tlai thleng khan mi 252 an tling tawh. Chhanchhuah hna thawktute chuan in chimin a delhte zawn leh chhanchhuah hna ngawrh takin an thawk zui mek bawk.

Lirnghing vang hian mi 252 an thih tawh bakah, mi za telin hliam an tuar a ni. In chim hnuaiah mi eng emaw zat an la tan avangin thi zat pawh hi an la punchhoh a rinawm tih thuneitute chuan an sawi. Chin hriat lohin mi 31 an la awm mek a ni.

Thi zingah Islamic board school chimin a delh, zirlai eng emaw zat an tel. Hospital-te pawh hliamte enkawlin an khat hlawm hle a ni. Lirnghing hian chenna in tam tak bakah, school building eng emaw zat a sawi chim a ni. Mi 13,000 te chu an chenna in aṭanga sawnchhuakin, sorkarin awm lailawkna tur a buatsaihah an khawsa mek.

Save the Children Indonesia chuan chhiatna thlen dan enfiah tur leh, a ṭul dan anga chhawmdawl hna thawk turin Ciajur-ah team a tir chhuak. Lirnghinna biala cheng, naupangten zirna an chhunzawm leh thuai theihna turin school tent, back-to-school kits, educational recreation kits-te a buatsaih zui bawk.

Thawhṭannia lirnghing hi km 75 vela hla, an ram khawpui Jakarta-ah pawh an hria a ni.