Mali ramin France ram thlawp NGO-te awm khap

Mali rama sipai sorkar chuan France ram thlawp non-governmental organisation (NGO) te an rama awm a khap. He khapna hian humanitarian group-te pawh a huam tel a ni.

Sipai roreltute chuan thuchhuah siamin, France sorkarin an ram tana development aid a tihtawp avangin heng khapna hi siam zui a ni tih a sawi.

France hian Mali-a sipai sorkar chu Russia nena inzawmna nei, Wagner Group nena thawkduna puhin, Mali ram tana chhawmdawlna a pekte chu a tihtawp phah a ni.

Mali interim prime minister colonel Adhoulaye Maiga chuan France-ina puhnate chu thu dik lo a nih thu leh, an ram tihchhiat a tumna niin a puh. Russia mite chu instructor anga thawk an ni, a ti. Foreign ministry pawhin France sorkar chu an ram mipuite tichhetuah puhin, fund a pekte chu sorkar blackmail a, firfiak pawlte thlawpna atana hmangah a puh bawk. Hei vang hian France sorkarin a puih leh a thlawp NGO zawng zawng chu Mali rama hna an thawh zui phalsak an ni tawh lo tiin a tarlang.

Thla thum liam ta khan France chaun Mali rama firfiakte bei tura sipai a dahte chu a lo hnukkir vek tawh bawk a ni.