Pakistan law minister a bang

Pakistan-a Tehreek-i-Labaik Yah Rasool Allah Pakistan (TLYRAP) sakhaw pawlten law minister ban phuta kar khat zet nawrh an huaihawt hnuah, law minister Zahid Hamid chuan nimin khan banna a thehlut ta.

Nawrh huaihawtte hian Islamabad pawhtu kawngpui pawimawhte an dang a, Inrinni khan mipui pungkhawmte hnawhdarh tumtu police leh nawrh huaihawtte hi innawr buaiin, mi pasarih an thi a, midang 200 velin hliam an tuar a ni. Hei vang hian ramchhung khawpui dangah pawh nawrh huaihawt chhunzawm a nih phah a ni.

TLYRAP chuan minister hian electoral oath siam danglamin, prophet Mohammad-a hming lama an intiamna, 'I solemly swear' tih chu ' I believe' tiin a thlak a, hei hi prophet Mohammad zah lohna leh Islam sakhua ngaih pawimawhlohna, sakhaw sawichhiatna angah an puh a ni. Kar hnih chhung zet minister ban phut hian nawrh an huaihawt hman a ni.