Tlang kang vangin Bali airport khar

Indonesia-a Bali thliarkara Agung tlang kang vangin airport chu nimin khan khar chhunzawm a ni a, hei vang hian khualzin eng emaw zat an tangkhang a ni.

Agung tlang kang hi kar hmasa aṭang khan a invawrh chhuak ṭan tawh a, Thawhṭannia vut sa invawrh chhuak hi km 2 zeta sangte a tling pha a ni. Official-te chuan tlang kang hi nasa zawk a la invawrh chhuah theih thu sawiin, tlang bulṭhut leh a chhehvel biala chengte pawh hmun him lama insawnchhuak turin an ti tawh a ni.

Tlang kang aṭanga vut sa invawrh chhuak hian thlawhtheihna engine a tihchhiat theih bakah, fuel leh cooling system-te a ti chhe thei a, hei bakah hian meikhu nasa vangin pilot-te khaw hmuh theih chin thlengin a tibuai thei a ni. Hei vang hian Bali airport chu Thawhṭanni leh nimin khan khar an ni.

Transportation Ministry chuan Ngurah Rai (Denpasar) airport khar vangin flight 400 chuang cancel a ni a, khualzin 59,000 vel an tangkhang niin an sawi.