Israel-ah Uber service khap

Israel court chuan travel insurance mumal a awm loh avangin Uber chu an rama service a kalpui zinga pahnih chu titawp turin a hriattir. Court chuan company private-car service pahnih, UberDay leh UberNight titawp turin a ti a, mahse UberTaxi erawh he thupek hian a nghawng ve dawn lo. Tel Aviv District court Chief Justice Eitan Orensteinchuan insurance an tih loh chuan motor khalh chhuah tir an remti tawh dawn lo tih a sawi. Kumin May thla khan Ministry of Transportation chuan Uber-te chu sorkar licence nei loa service niin a sawi tawh a ni. September thla khan Uber hi safety regulation zawm loa puhin London-a an service khapsak a lo ni tawh bawk.