Saudi Arabia-in VAT ti sang dawn

Oil man a tlakhniam avang leh Covid-19 vanga sorkarin sum a lakluh tlem avangin, Saudi Arabia sorkar chuan bungrua siamchhuaha chhiah a lak ṭhin, Value Added Tax (VAT) chu 5% aṭangin 15%-ah a ti sang dawn.

Hri leng vanga sum lakluh a tlakhniam avangin Saudi Arabia sorkar chuan inrenchemna kalpui a tum a, sorkar hnathawkte hnena allowance a pek ṭhin pawh June thla aṭang chuan tihtawp rih a ni dawn tih a sawi. Chhiah tihpunna pawh hi July 1 aṭangin hman ṭan a ni bawk ang. 

Finance minister Moha­mmed al-Jadaan chuan thuchhuah siamin, VAT tihpun chu thil hrehawm tak ni mah se, an ram economy dinhmun thlirin tih ngei a ngai tih a sawi.