Greece refugee camp-ah Lockdown pawtsei
Greece chuan an rama refugee camp-a hri leng vanga lockdown a puan chu May 21 thleng a pawtsei. March thla aṭang khan Greece-ah hian lockdown hi hman ṭan a ni. Ram chhungah chuan khuahkhirhna hi thlahdul ṭan ni tawh mah se refugee camp leh reception centre-ah chuan pawhsei a ni thung. Migration and asylum ministry chuan heng camp-a kharkhipna kalpui chhunzawm a nih chhan erawh a sawi lang lo. Greece-ah hian Covid-19 kai hi mi 2,710 awmin mi 151 in an thihpui tawh a ni. Hun eng emaw chen inkharkhipna kalpui a nih hnuin thlahdul ṭan a ni tawh a, nimin aṭang khan dawr pawh hawn phalsak an ni a, final year school zirlaite pawhin zirna an chhunzawm leh tawh bawk.