Russia-Ukraine war : Chin hriat lohin mi 15,000 chuang awm mek

International Commission of Missing Persons (ICMP) chuan Russia-in Ukraine ram a run hnuah, mi 15,000 chuang chu an chin hriat lohin an awm tawh niin a sawi.

Russia-Ukraine indona a thlen hnuah ICMP hian Ukraine mite pui tur leh, chin hriat loh awmte chhui hna thawk turin July thla khan Ukraine khawpui, Kyhiv-ah office an hawng a ni.

ICMP programme director Matthew Holliday chuan mi eng zat chiah nge tihluihna hmanga sawnchhuah a, Russia rama hren mek awm chu an hriatchian theih loh thu a sawi. Heng mi hruaichhuahte hi an la dam nge an thi tih pawh an hrechiang thei lo tih an tarlang.

Indo a tawp hnuah pawh chin hriat loha awmte chungchang chhui hna hi thawh zel a la ngai dawn a, kum eng emaw cheng buaipui zui a ngai dawn tiin Holliday chua a sawi. Chin hriat loha awm hi mi 15,000 vel niin an sawi laiin, Mariupol khaw hotute chuan an khaw bikah pawh indona thlen hnua thi leh chin hriat loha awm chu 25,000 an tling niin an sawi thung.

ICMP hian indona avanga chin hriat loha awmte chhui zui hna hi thawkin, Yugoslavia buai ṭum pawh khan DNS sample an lak hmangin chin hriat loa awm mi 40,000 zinga 27,000 chuang chu an chin an chhui chhuak a ni.