UK PM chenna ina dah tur milim leiin sawisel a hlawh

UK ramin an ram economy dinhmun tla­hniam zel siamṭhat tuma an beih chhoh mek lai leh, nitin khawsakna hautak chho chungchang an buaipui mek laiin, prime minister thar Rishi Sunak-a official residence, 10 Downing Street huana dah tur milim, pound mtd 1.3 vela lei a ni. Hei hian eptute leh ram mipuite sawi­zui leh sawisel a hlawh hle.

UK sorkar chuan chhiah pekkhawm aṭanga British artist lar tak Henry Moore-a milim siam, "Working Model for Seated Woman – an abstract 1980 sculpture" chu thla hmasa khan Goverment Art Collection chuan lilamna aṭangin a lei a ni. He milim hi hlu tak ni mah se, ram economy dinhmun thlirin mipui sum ṭul loa thehthangna nia an ngaih thu expert-te chuan an sawi.

UK sorkar hnuaia Government Art Collection hian art piece hlu tak tak hi 14,000 chuang a la khawm tawh a ni. Tuna milim a lei thar siamtu, Henry Spencer Moore hi kum 1985 khan a thi tawh a, kum 20-naa British artist pawimawh ber zinga mi leh, khawvel huap pawha milim ker thiam hriat lar a ni.