US Air Force-in Military Aircraft thar ber enchhin dawn

United States Air Force chuan stealth aircraft thar ber 'B-21 Raider' chu vawiin hian an enchhin dawn.

Northrop Grumman siam aircraft hian a hmaa an hman ṭhin B-1 leh B-2 a thlak dawn a ni. Company chuan B-21 hi military aircraft zinga tunlai thiamna sang ber hmanga thuam, "Most Advanced Military Aircraft" tiin an chhal. Company website sawi danin, B-21 bomber parukte hi kum 2015-a contract an ziah hnuah Palmdale, California-ah siam an ni.

Long-range conventional leh nuclear missions kalpui tura design niin, a siamna atan USD tld 2 vel an seng a, kum thar lamah hman ṭan theih tura buaipui mek a ni.

B-21 Raider hi Indopui II-na hunlaia Doolittle Raid tiha an sawi ṭhin hriatrengnan an phuah a ni.