Aghanistan khawpuia damdawiin beihnaah mi pariat thi

Aghanistan khawpui, Kabul-a damdawiin pakhat chu nimin khan misualin luhchilhin an bei a, mi pariat an thi a, mi dang eng emaw zatin hliam an tuar. 

Nimina misualten an beih, Dasht-e-Barchi Hospital hi international humanitarian organisation Doctors Without Borders-in maternity clinic a siamna a ni. 

Sorkar official-te chuan hospital beitute hi eng pawl nge tih hriatchian an la ni lo tih an sawi a, Taliban chuan an inhnamhnawih loh thu an sawi nghal bawk. Official-te chuan pawikhawihtu zinga pathum chu police uniform inbelin hospital building-ah hian a lut a, grenade vawmin silai an pawng kah zui nghal niin an sawi. 

Security force-ten pawi­khawihtute hi an kap let nghal a, an zinga pakhat chu an kap­hlum. Hospital building aṭang hian mi 80-te chu hmun him lamah hruaichhuah nghal an ni.