Indonesia-ah tlang kang nasa tak thleng

Indonesia rama Java thliarkar, Mount Semeru-ah nimin khan tlang kang nasa tak invawrh chhuakin, he tlang bul hnaia chengte chu insawn­ chhuah tir an ni.

Nimina tlang kang vang hian thuneitute chuan warning level sang ber, level 4 an tichhuak a, hei hi tlang kangin vut sa tak tak a vawrh chhuah chu a bul hnaia mihring chenna in atan thleng pawh a hlauhthawnawm tihna a nih thu Center for Volcanology and Geological Hazard Mitigation (CVGHM) thupuangtu chuan a sawi.

He tlang bulṭhut aṭanga km 8 tala hlaa awm turin thuneitute chuan an hriattir a, lei sa tui tawlh chhuak (lava) avangin mipuite chu lui hnaiah awm lo turin an ti bawk.

Mount Semeru, 'The Great Mountain' tih bawk hi tlang kang thlen fona niin, nikum pawh khan tlang kang nasa takin a lo invawrh chhuak tawh a, mi 50 velin an thih phah a, mi 100 chuang an hliam bawk a ni.