Zimbabwe president-in a cabinet tur ruat

Zimbabwe President thar Emmerson Mnangagwa chuan a cabinet member thar turte a ruat a, sipai hotute chu chanvo pawimawh tak tak a pe.

President Mnangagwa chuan president hlui Mugabe te nupa hreng a, sipaiten an ram thuneihna an inpek thu TV lama lo puang tawhtu, General Sibusiso Moyo chu foreign minister atan a ruat a, air force hotu Perence Shiri chu agriculture and land affairs minister atan a ruat bawk.

Kum 37 zet Zimbabwe rama ro lo rel tawh, Robert Mugabe chu sipaiten thuneihna an laksak hnuah kar hmasa khan a bang a, a ban hnu hian a deputy aṭanga alo ban tawh, Mnangagwa hi president thar atan lakluh a ni.

President thar hian Mugabe hnuaia cabinet minister eng emaw zat chu a dah chhunzawm a, anni bakah hian Mugabe paihthlak a nih theihna tura hmalatu, sipai hotute chu cabinet member-ah hian a dah tel a ni.