Malaria vangin mi nuai nga dawn an thi

Kum 2016 chhung khan khawvel ram hrang hrangah sikserh, malaria vangin mi 445,000 an thi niin World Health Organization report chuan a tarlang.

World Malaria Report 2017 tihchhuah tharah nikum chhung khan malaria vei hi maktaduai nga zetin a kum hmasa lam aiin an pung a, hei hi malaria hri dona tura sum indaih tawk loh vang nia sawi a ni. Nikum chhunga malaria vei zingah Nigeria ram bikah mi maktaudai 57.3 zet an awm tling a ni.

Report buatsaihtute chuan hun eng emaw chen malaria hri do letna kawnga hlawhtling taka hmalak a nih hnuin, hma an sawn chho leh tawh lo niin a sawi. Nikuma malaria hri vei pung tam ta lutuk aṭang hian ṭan lak a ngaih chho leh hle tih a tilang hle a ni, a ti.

WHO chuan malaria hri leng khuahkhirh a nih theih nan nasa zawka hma lak a ngaih thu saiwin, kum 2020-ah chuan sum mamawh hi dollar tluklehdingawn 6.5 tal mamawh a ni dawn tih a sawi. Sum lam indaih loh chuan an beisei ang hlawhtlinna pawh hmuh a harsa niin a sawi.