Word of the Year 2022-ah 'Goblin Mode' thlang

Oxford English Dictionary chuan a ṭum khatna atan mipui vote hmangin slang term 'Goblin mode' tih chu word of the year, 2022-ah a thlang.

Dictionary-in a tarlan danin, he slang term hi mize chi khat, 'thatchhia, duham, dawngdah, midang pawisa loa mahni duhzawng um, khawtlang kaihhruaina leh duhdan ang hnawl' sawina a ni. He term hi kumin kumtir lam khan, khawtlangin mi beisei leh duhdan ang hnawl a, mahni duhdan ang zawnga thiltih sawina atan a rawn lar chho hluai a ni.

Oxford English Dictionary hian word of the year thlanna atana mipui vote a lak vawi khatna a ni a, kar hnih chhung online hmangin mipuite vote hi a la. Hemi chhung hian English ṭawng hmang mi nuai thum chuangin vote an thlak.

Lexicographer expert team chuan word pathum - Metaverse, #IStandWith leh Goblin Mode hi thlang chhuakin, heng aṭang hian Goblin Mode chu word of the year atan an thlang ta a ni. Vote thlak zinga 93% chuan goblin mode hi an thlang. A pahnihnaah 'Metaverse' hi awmin vote tla aṭangin 4% a hmu a, 'IStandWith' chu pathumna a ni.

Hetih lai hian , American dictionary publisher Merriam-Webster chuan 'gaslighting' chu word of the year 2022 atan a thlang ve thung. Merriam-Webster chuan kum 2022 chhungin an wesbite-ah 'gaslighting' tih zawngtu hi 1740% in an pung tih an sawi.