US Secretary of State a bang dawn lo

US President Donald Trump chuan Secretary of State, Rex Tillerson a ban dawn nia thuthang chu thu dik lo a nih thu a sawi. President Trump chuan Tillerson nen chuan ngaih dan in ang lo, inrem lohna nei ṭhin mah se, a tawpah President thu chu a lal zawk a, ṭha takin an thawk dun zel thei niin a sawi. Tillerson pawhin a chungchanga thuthang awm chu engmah a hriat loh thu a sawi bawk a, tunkar hian Europe a tlawh kual dawn a ni. Tillerson hi ramdang nena an inlaichinnaah Trump-a beisei loh angin a che ṭhin a, hei vang hian thlak a, a aiah Central Intelligence Agency director Mike Pompeo dah a tum zawk niin thu a darh a ni.