Russia-in man tlawm zawkin Pakistan hnenah crude oil hralh dawn

Russia chuan Pakistan hnenah man tlawm zawkin crude oil a leitir dawn tih Pakistan state miniter for petroleum, Mussddiq Malik chuan a sawi.

Russia hian petrol leh diesel pawh man tlawm zawkin a leitir dawn tih Malik chuan a sawi nghal a, mahse an leitirna man tur erawh a sawilang lo. Russia energy ministry lam pawhin hemi chungchangah hian thuchhuah an la nei lo.

EU leh G7 ramte chuan Russia-in Ukraine a run avanga hrekna pakhat atan, Russia crude oil leina man tur chu barrel khat USD 60 in a bithliah sak a, mahse Russia chuan he rate hmangtute chu oil supply a tum lo tih a sawi ve thung.

Asia ram tam tak chuan Russia crude oil man bithliahsakna hi an zawm ve lo thung.

Pakistan minister chuan liquefied natural gas (LNG) supply turin Russia firm-te chu inremna siampui tuma biak an tum tih a sawi bawk. Khawvel huapa energy man sang chho avangin, sum lama harsatna tawk mek Pakistan hian energy product a lalut ṭha thei lo a, hei vang hian energy sector lamah buaina a tawk mek a ni.