Iran-ah lawngchawlh hmun thar hawng

Iran President Hassan Rouhani chuan Pathianni khan dollar tluklehdingawn khat senga siam, Chabahar port a hawng. Chabahar port hi Pakistan ramri bula awm a ni a, he hmun hi Afghanistan leh Central Asia kalpawhna hmun pawimawh tak a ni dawn a ni. He port siam tur hian kum 15 kalta khan India leh Iran chuan inremna an lo siam tawh a, a hnuah project-ah hian Afghanistan a tel ve leh a ni. He inremna an siam hmang hian Aghanistan chuan Chabahar port hi India rama a bungrua thawn luhna kawng atan a hmang thei dawn a ni.