UN official-in NKorea tlawh

UN top official chuan North Korea a tlawh a, NKorea hotute a kawm dawn niin UN thupuangtu chuan a sawi.

NKorea rama zin hi UN under-secretary general for political affairs, Jeffrey Feltman a ni a, nimin khan NKorea hi panin Zirtawpni thleng a cham ang. A cham chhung hian official a kawm tur zingah hian foreign minister Ri Yong Ho, vice minister Pak Myong Guk bakah foreign diplomat-te an tel. UN department of political affairs chuan NKorea sorkar hnen aṭanga sawmna an dawn anga zin a nih thu a sawi.

UN official-te hian NKorea hi an tlawh khat hle a, a tlawh hnuhnung ber chu kum 2011 October thlaa UN humanitarian chief Valeria Amos zin kha a ni.

NKorea hian kar hmasa khan intercontinental ballistic missile, Hwasong-15 chu a enchhin leh a, he missile hian US ram pum a kap pha nia sawi a ni. Missile a enchhin leh vang hian ram hrang hrangten an sawisel nasa hle a, UN Security Council pawhin nimin khan Korean nuclear program chungchang ngaihtuah hian meeting a nei a ni. UN resolution palzuta missile a enchhin leh vang hian NKorea ram hrekna pawh hi siambelh a nih rin a ni.