British PM beih tumna dang chat

Britain Prime Minister Theresa May-i beih tumna chu police-ten an lo dang chat nia sawi a ni. Sky News-in a tarlan danin May-i chenna Downing Street-ah bomb tihpuah a, amah pawh hi thah zui tuma ruahman a ni a, mahse Scotland Yard, MI5 leh West Midlands Police-ten hun eng emaw chen an chhuizui hnuah thla 12 liamta chhung khan PM beih tumna ruahmanna pakua siam chu an dangchat niin May-i thupuangtu chuan a sawi. PM beih tuma puh, kar hmasa-a Metropolitan Police-ten an man, Naa’imur Zakariyah Rahman leh Mohammed Aqib Imran te chu nimin khan Westminster Magistrate Court-ah hruai an ni.