Germany-ah sorkar paih­thlak tuma puh mi 25 man

Germay police-te chuan sorkar paihthlak tuma puhte zawnga hmun hrang hrang an dapnaah mi 25 an man tih an sawi.

Federal prosecutor office chuan sorkar paih­thlak tum chung changah hian police 3,000 chuang chuan state 11-a hmun 130 vel an dap tih an sawi. He thila a khaipa ber nia puh chu kum 71 mi, Heinrich XIII inti a ni. Sorkar paih­thlak tuma phiarutute zingah hian extremist Reichsbürger (Citizens of the Reich) movement member-te pawh an tel a, anni pawl hian modern German hi an pawm ve lo a ni.

Kum 2021 Nov. aṭang khan sorkar paihthlak tuma hmalakna hi a awm tawh tih sawiin, he thilah hian sipai bang ṭhenkhat pawh an tel a, an zingah hian special unit-a elite member hluite pawh an awm a ni, tiin military inte­lligence service (BAMAD) thupuangtu chuan a sawi.

Germany sorkar chu paihthla a, kum 1871-a Ger­many inrelbawk dan en­tawna ram thar, Second Reich lalram din an tum a ni.