Khualzinte tan Spain a him : Spain sorkar

Spain sorkar thupuangtu Maria Jesus Montero chuan an ram chu Covid-19 dona kawngah hma an sawn thu leh khualzinte tan pawh a him tawk tih a sawi.

Hetianga thuchhuah an siam chhan hi Britain sorkarin Spain, France leh Germany ram aṭanga an rama lutte chu ni 14 chhung quarantine ngei ngei tura thupek a chhuah vang a ni. Maria chuan Spain chuan hri leng dona kawnga hma an sawn zel thu te, healthcare system ṭhat avanga hri leng thununna lamah  hma an sawn nasat thu a sawi. An rama hri kai zinga a chanve dawn chu an taksaa harsatna nei lo an nih thu Maria chuan a sawi bawk. 

Spain hi Covid-19 hri len ṭantirha a hluarna ram zinga mi a ni a, mahse hri darh tur venna atana khuahkhirhna khauh taka kalpui a nih hnu leh, he hri dona kawnga a ram sorkarin nasa taka hma a lak chhunzawm reng avangin boruak pawh a ziaawm tawh hle a ni. Spain-a hri kai hmuh chhuah hi mi 3,27,690 an awm tawh a, he hri vang hian mi 28,436 an thi tawh a ni.