Taliban commander pahnih kaphlum

Pakistan security force-te chuan Afghanistan ramri bulah Taliban firfiak pawl commander pahnih an kaphlum. Security force-te hian thu an dawn bawhzuiin, Khyber Pakhtunkhwa province-a Charbarg bialah beihpui an thlak a, tualchhung police-ten an lo pui bawk. Security force leh firfiakte hi hun eng emaw chen an inkah hnuin, Tehrik-e- Taliban Pakistan (TTP) commander pahnih kahhlum an ni. Firfiak pahnih kahhlumte hi police-ten civil mite beihna leh pawikhawihna thleng kaihhnawiha man tuma an zawn mekte an ni.