President paihthlak tumna resolution hnawl

US House of Representative chuan Texas Democrat hruaitu Al Green-an President Donald Trump paihthlak tumna resolution a put luh chu an hnawlsak.

House-a impeachment resolution chungchanga vote lakah, member 364 in an hnawl a, resolution thlawp lamah vote 58 chauh a tla thung. Republican member zawng zawngin he resolution hi an hnawl a, Democrats member tam zawk pawhin Republican lam hi an thlawp a ni.

Greeen hian resolution a putluhah hian President aṭanga Trump-a ban a duhna chhanah thiltihsual leh dan kalha a chetna lam a sawilang lo a, mahse Trump chuan president dinhmun chu a tihzahawm lo a, US mipuite zingah inremlohna a thlen a ni, a ti.

White House chuan President paihthlak tuma hma lakna hi a pawm lo tih sawiin, Green leh a thurualpuite chu uchuak taka thiltiah a puh.