Malaysia PM hlui hremna tur tichhuak

Malaysia prime minister hlui, Najib Razak chu sum chheprelh leh tihchingpena puhna kaihhnawih thubuai pasarihah thiam loh chantir a nih hnuin, heng thubuai  hrang hranga hremna pek tur chu Thawhlehni khan court chuan a tichhuak nghal. 

PM a nih laia a din, state investment fund, 1MDB sum tichingpena puhna thubuaiah kum 12 tang tura hremna pek a ni a, a thuneihna dik lo taka hmanga puhna thubuaiah kum 10, sum tichingpena puhna thubuai pathumah kum 10 ṭheuh, leh thubuai dang pathumah kum 10 ṭheuh tang tura tih a ni. Hei bakah hian an ram pawisa, ringgit maktaduai 210 (USD maktaduai 49.4) chawi tura tih a ni bawk a ni. 

Mahse Najib chuan thiam loh chantir a nihna thubuai hrang hrangte hi ngaihtuah ṭha leh turin a ngen dawn tih sawiin, tih dik loh a nei lo a, a tawp thlengin a bei let dawn tih a sawi.