Senator Al Franken a bang

US Democratic Senator leh ex-comedian Al Franken chuan mipat hmeichhiat chungchanga mawi lo taka chea puh a nih avangin a bang dawn tih a sawi.

Minnesota senator chuan US Senate-ah a ban tur thu hi sawi a, Senate-a hun a hmang chhungin a thiltihtheihna chu hmeichhiate chawikanna tura a hman thu sawiin, hei hi a chhuang hle tih a sawi. Franke hi Democrats lam chuan bang turin an lo ti tawh a ni.

Hetih lai hian US House of Representatives Ethics Committee chuan Republican congressmen pahnih, mipat hmeichhiatna lam hawia che mawiloa puhte chu a chhui chiang mek bawk.

Saturday Night Live comic hlui leh senator term hnih lo chelh tawh, Franken hi hmeichhe eng emaw zat chuan mipat hmeichhiat lam hawia mawi lo taka khawihah an puh a ni. Hei bakah hian a nupui nen fa an nei thei lo tih an hriatin, Franken hian Congress-a a thawhpui hmeichhe pahnihte chu ṭawngkam mawi lo takin fa hrinsak turin a sawm nia sawi a ni bawk.