California ram kang vangin mi nuaihnih dawn tlanchhia

US-a California chhim lama ram kang vangin mi nuai hnih dawn chu hmun him lamah an tlanchhe tawh a, kangṭhelhtu 5,000 rualten hmun pali-a ram kang hi ṭhelh hna an thawk mek a ni.

Ram kang hian in eng emaw zat a kangchhe tawh a, Ningani khan San Diego hmarlama hmun pakhatah kangmei hi a chhuak thar leh bawk. Ram kang vang hian mi pakhat a thi tawh bawk.

Ningani tlai khan California fire service chuan ram kang vangin mi 189,000 chu hmun dangah an insawnchhuak tawh tih an sawi. California Governor Jerry Brown pawhin emergency a puang tawh bawk a ni.

White House chuan California thuneitute nen an inbepawp reng tih sawiin, a ṭul anga pui turin an inpeih reng tih a sawi.