Egypt PM hlui an ramah thawn kir dawn

Egypt Prime Minister hlui Ahmed Shafik chu United Arab Emirates (UAE) aṭangin an ramah thawn kir a ni dawn niin a chhungte chuan an sawi.

Air force commander hlui, Shafik hian kum 2018-a an ram president thlanna neih turah chuh a tum thu alo sawi tawh a ni. Nakkum April thlaa Egypt president thlanna neih turah Shafik hi president ṭanglai Abdel Fattah al-Sisi khing thei ber tura rin a ni bawk. 

Kum 2012 inthlanah khan Shafik hian Muslim Brotherhood hotu, Mohamed Morsi a hneh lo a, inthlan zawh hnua buaina a chhuah zui avangin UAE-ah hian a tlanchhia a, a khawsa zui ta a ni. UAE hi Egypt President al-Sisi-a kaihhruai sorkar nen inpawhna ṭha tak an nei a, inthlanah President al-Sisi khin a tum thu Shafik-an a sawi hnuah, UAE a chhuahsan hi khapsak nia sawi a ni. Mahse hei hi UAE chuan thu dik lo niin a sawi thung. UAE aṭanga Shafik-a thawn haw a ni dawn nia sawi chungchangah UAE lam chuan engmah a la sawifiah lo a, Egypt foreign ministry pawhin zawhna a la chhang duh lo. Mahse sorkar lam hotu ṭhenkhat chuan Shafik hian vantlang hriatah Egytp-a kir a duh thu a sawi avangin a haw hi phalsak a ni dawn niin a sawi.