Honduras eptuten inthlan result hnawl turin ngen

Honduras eptu pawlte chuan thla hmasaa president thlanna reuslt chu hnawl turin Electoral Supreme Tribunal hnenah an ngen.

Eptu pawl hruaitu, Salvador Nasralla chuan inthlan neih takah hian president ṭanglai, Juan Orlando Hernandez a chak theih nan election thuneituten inthlan result hi an khawih danglam niin a sawi.

Official result tih-chhuahah Hernandez hi vote tam vak loin a chak a, mahse Organisation for American States (OAS) ngen angin result ṭhenkhat chu chhiar ṭhat leh mek a ni. Result kimchang hi vawiin hian tihchhuah a ni ang.

Nasralla chuan inthlan fel fai lo taka kalpui a nih dan chu khawpui pumin a hria a ni tiin, ramdangte pawhin Honduras mipuite duhdan ni loa thil kalpui hi an remti dawn lo a ni, a ti.