Egypt Coptic Church hotuin meeting a cancel

Egypt-a Coptic Church hotu Pope Tawadros II chuan tun thla tawp lama US vice president Mike Pence nen meeting an neih tur chu US-in Israel khawpui atana Jerusalem a pawm thu a puan avangin a cancel. Meeting cancel a nih thu hi sawiin, Coptic Church chuan US President Donald Trump chuan Arab mipuite rilru tur a dawnpui lo a ni a ti a, hei vang hian an lungawi lohna lantir nan Pence-an Egypt a tlawh hunah pawh an lo dawngsawng dawn lo tih a sawi. Hemi hma hian Egypt-a Muslim hotu Ahmed al-Tayed pawhin Pence hi a lo hmu dawn lo tih a sawi tawh bawk. Egypt mipui maktaduai 90 zingah hian Coptic Kristian hi 10% an awm a ni.