Sudan hmeichhiate thubuai titawp

Sudan khawpui, Khartoum-a party naa hmeichha kal 24-te kekawr tlawn an hak avanga thubuai siamsakte chu an thubuai tihtawp sak an ni.

Kar hmasa Nilaini khan party neihna hmun hi morality police-te chuan an dap a, he hmuna kekawr tlawn ha hmeichhe 24-te chu zahawm lo taka inthuam nia puhin thubuai siamsak an ni. An thubuaiah hian thiamloh chantir an nih chuan vawi 40 vuak bakah pawisa chawitir theih an ni. Mahse nimin khan hremna pe loin an thubuai hi tihtawp sak an ni.

Muslim ram, Sudan ramah hian hmeichhiate chu kekawr tlawn an hak leh pawnfen chhing an fen khapsak an ni. Right activist-te chuan kumtin zahawm lo taka inthuama puhin hmeichhe tam tak man an ni fo niin an sawi. Activist-te chuan he dan hman hi hmeichhiate dikna chanvo palzut sakna a ni tih an sawi. Thubuai siamsak hmeichhiate pawh hian thuneitute hnen aṭangin phalna an la chungin kekawr tlawn an hak vangin man a nih thu rights campaigner Amira Osman chuan a sawi.