Palestinian miten thudik an hmachhawn a ngai : Israel PM

Israel Prime Minister Benjamin Netanyahu chuan Palestian mipuite chuan muanna a awm theih nan, Israel khawpui chu Jerusalem a ni tih thudik awmsa chu an pawm a ngai a ni, a ti.

Benjamin Netanyahu chuan Jerusalem chu kum 3,000 chhung Israel khawpui a ni tawh tih sawiin, "Englai mahin hnam dangte khawpui a la ni ngai lo", a ti. Juda mite leh Jerusalem inlaichinna sawinep tumna chu thil awmlo a ni tih sawiin, Israel PM chuan Bible-ah pawh chiang takin a lang a, Juda ho chanchin chhuinaah pawh hmuh tur a awm vek a, Israel khawpui chu Jerusalem lo a dang a awm lo a ni, a ti.

Netanyahu chuan Palestinian miten he thudik hi an pawm hma leh remna leh muanna siam tur hmalak a chak thei dawn niin a sawi bawk.

Hetih lai hian US-in Israel khawpuia Jerusalem a pawm thu a puan avanga lungawi lohna lantir chhunzawm zel a la ni a, Palestinian Authority chuan US Vice President Mike Pence-an an bial a tlawh hunah Palestinian President Mamoud Abbas pawhin a lo hmu dawn lo tih a sawi tawh a ni. Egypt-ah pawh Muslim leh Coptic Kristian hruaitute chuan Pence nena meeting an neih tur chu an lo ṭhulh phah tawh bawk a ni.