Chinese team-in Nepal-ah health camp buatsaih

China-a Sichuan Povince-a doctor rualte chuan nimin aṭang khan kar khat awh tur free health camp Nepal ramah an buatsaih.

Chinese team-te hian Pathianni khan Nepal hi an thleng a, nimin aṭang khan Kathmandu aṭanga km 30-a hla, Dhulikhel khuaah health camp hi an nei ṭan a ni. Team member hi 20 niin, Sichuan province foreign affairs office-a deputy inspector He Guangxian-an a ho a, doctor 17 an tel a ni.

Team member-te chuan medicam camp an buatsaih bakah, health worker-te chu kawmin an theih angin training an pe nghal dawn tih an sawi. Sichuan medical team hian kum 2015-a Nepal ram lirnging na tak thleng vanga mi 9000 dawn an thih phahna leh, mi sing telin hliam an tuar hnu khan medical service nei tur hian an lo tlawh tawh a ni.

Health camp hi district pali-ah neih a ni dawn a, Nepal organization Arniko Society-in an ṭawiawm a ni.