Khawvel pumah Covid-19 kai thar mi 58,140 awm

Hripui leng mek, Covid-19 chu Thawhlehni khan khawvel ram hrang hrangah a kai thar mi 58,140 an awm belh a, hemi ni vek hian he hri vanga thi hi mi 3,305 an awm tih Worldometers chuan a tarlang.

Nimin thleng kha chuan Covid-19 hri kai hi khawvel pumah mi 43,56,628 an awm a, heng zinga enkawl dam tawh hi mi 16,10,725 niin, he hri vanga thi hi mi 2,93,111 an awm tawh bawk a ni.

United States (US) chu he hri kai tamna ber a la ni chhunzawm zel a, nimin thleng khan he hri kai hriat tawh zat hi mi 13,95,020 an awm. US-ah hian he hri kai hi ni tin mi 760 awm belh zel anga chhut a ni. Spain pawh hri darh nasat lamah pahnihna dinhmun a la ni chhunzawm a, nimin khan hri kai hi 2,69,520 an awm. Anni dawtah hian Russia a awm leh a, Thawhlehni khan hri kai thar mi 10,890 an nei a, anni nen hian hri kai zawng zawng hi mi 2,32,240 an awm tawh. 

US state zinga hri leng hluarna ber, New York state khawpui, New York City-ah chuan khuahkhirhna hi June thla thleng kalpui a la ni dawn tih mayor Bill de Blasio chuan a sawi. Hetih lai hian state chhunga region pathumah chuan naktuk atangin khauhkhirhna thlahdulin, hna thawh chhunzawm a ni tawh dawn thung. 

1) USA    14,08,636

2) Spain    2,69,520

3) Russia     2,42,271

4) UK     2,26,463

5) Italy    2,21,216

1) USA    83,425

2) UK    32,692

3) Italy    30,911

4) France    26,991

5) Spain    26,920