UK, Italy leh Japan-ten fighter jet siam dawn

UK, Italy leh Japan ramte chuan nimin khan thuchhuah inṭawm siamin, fighter jet siam turin an thawkho dawn tih an sawi.

Thuchhuah an siamah hian front-line fighter aircraft chu kum 2035-ah hman theih tura siam an tum tih sawiin, hei hi Typhoon jet thlakna atana hman chhoh an tum a ni. He project atana an thawhhona hi Global Combat Air Programme (GCAP) tih a ni.

Fighter jet an siam turah hian pilot pui turin advanced sensor leh artifical intelligence pawh hman tel a ni dawn a, pilot input tel loin a thlawh theih dawn bakah, hypersonic missile pawh a kap chhuak thei dawn a ni. Hna thawk tur hian inbuatsaih chhoh mek a nih thu an sawi a, ram dang pawh he programme hi an zawm theih thu an sawi bawk.

Jet fighter design hna hi UK-a BAE Systems PLC, Japan-a Mitsubishi Heavy Industries leh Italy-a Leonardo-te an thawk dawn a ni.