SKorea-in an hnam dana kum zat chhiar dan titawp dawn

South Korea chuan an hnam dana kum zat chhiar dan an hman mek tihtawp a, international standard hmanna tur dan chu Ningani khan a pass. He dan hi hman a nih hunah, South Korea mite chu an official document-a tarlan aiin kum 1-2 in an naupang tawh dawn a ni.

Korean kum chhiar danah chuan, nausen hi a pian hlimah kum khat anga chhiar nghalin, kumthar January 1 thlen veleh an kum hi belh leh nghal zel an ni. Hemi rual hian zu in thei chin leh, zial zu thei chin kum bithliahnaah chuan system hran hmangin, pian hlimah kum tlin tlir nghal loin, January 1-ah kum tlin tir zel an ni thung.

Mahse kum 1960 chho aṭang khan medical leh legal document-ah kum zat ziahna atan hian international norm hmangin, an birthday-ah zel kum zat hi an belh.

Kum chhiarna atana system hrang hrang an hman hnuah, kumin June thla aṭang khan international method hi an hmang ṭan a, hei hi hman vek a nihna turin an hnam dana kum chhiar dan tihtawpna tur dan hi an pass ta a ni.