Pakistan-ah hmeichhe laka pawikhawihna hluar

Pakistan ramah March thla chhung khan hmeichhia leh naupangte laka pawikhawihna thleng a hluar hle.

Sustainable Social Develop­ment Organisation (SSDO) in January-March 2020 report a tihchhuahah hemi chungchang hi tarlan a ni. Naupang leh hmei­chhiate chunga kutthlak, rukbo leh pawngsual thleng hi January thla aiin March thlaah 200% zetin a pung tih Islamabad based NGO chuan a tarlang. 

SSDO hian  'Tracking Crimes Against Humans In Pakistan' tih hmanga zirchianna a neihna atan hian English newspaper pathum - The Nation, The Dawn leh The News bakah Urdu newspaper pathum - Jang, Duniya leh Express aṭangin data a lakhawm a ni.