China-in Myanmar hnenah damdawi hmanrua pe

China sorkar chuan Myanmar-in Covid-19 dona atana a ma-mawh damdawi hmanruate a pek belh leh. 

Myanmar health and sports ministry hnuaia medical research department  hnenah nucleic acid test kit 1,50,000 leh personal pro­tective equipment (PPE) 18,000 chu nimin khan hlan a ni. Department director general Dr Zaw Than Htun chuan China hnena thilpek an dawn hmang hian an ramah test tam zawk neih theih a ni dawn tih a sawi. 

China sorkar hian a hmain nucleic acid test kit 1,62,000, surgical mask maktaduai 3.95, PPE 48,600 leh mamawh dangte chu China hnenah hian a lo pe tawh a ni. Hei bakah hian China-a Yunna province-a medical expert team pahnihte pawh hri leng laka invenna, khuahkhirh leh dam lo enkawl dan chungchangah Myanmar hi an lo pui tawh bawk. 

Myanmar sorkarin an report danin an ramah hri kai hi mi 180 an awm tawh a, an zinga parukin an thihpui tawh a ni.