Trump-a thutlukna an pawm loh thu Israel PM hrilh

European Union chuan US President Donald Trump-an Israel khawpui atana Jerusalem a pawm thu a puang leh, Tel Aviv aṭanga Jerusalem-a US embassy sawn a tum chu an pawm lo tih Israel Prime Minister Benjamin Netanyahu an hrilh.

Kar kalta Nilaini-a US President Trump-an US-in Israel khawpui atana Jerusalem a pawm thu a puan hnua a vawi khatna atan Netanyahu hian Thawhṭanni khan Brussels-a EU headquarters a tlawh a, meeting an neihnaah EU foreign minister-te chuan Trump-a thutlukna siam hi an pawmpui loh thu an lo hrilh a ni.

Benjamin Netanyahu chuan Trump-a thutlukna siam hian remna leh muanna awm theihna turin a pui thei zawk dawn tih a sawi thung.