Kum 20 chhungin China aṭangin hri panga a leng : Robert O'Brien
US National Security Adviser, Robert O'Brien chuan kum 20 chhungin China aṭangin hri hrang hrang panga a len thu White House-a press conference a neihnaah a sawi.
O'Brien chuan tuna khawvela hri leng mek, China aṭanga rawn irh chhuak Covid-19 hian mi nunna 2,50,000 chuang a lak tawh thu a sawi bawk. O'Brien chuan "Khawvelin a buaipui mek, China aṭanga hri rawn darh chhuak hian engtik thleng nge kan khawvel hi a tih ralṭit dawn tih chu sawi lawk theih a ni lo a, mahse he hri rawn chhuahna bul nia an sawi China lab aṭang emaw Wuhan wet market aṭang emawa he hri rawn darh chhuah dan dik tak chu China chauhin a hria a ni," a ti.
US chuan Covid-19 hri rawn chhuah dan dik tak hriat tuma hma a lak mek thu O'Brien chuan sawiin, mahse engtikah nge an chhui chhuah dawn tih chu a sawi theih loh thu a sawi.