White House-in Trump-a chhui tura ngenna hnawl

Hmeichhe ṭhenkhat chunga mipat hmeichhiat lam hawia mawi lo taka chea President Donald Trump puh a, chhui chiang tura phutna chu White House chuan a hnawlsak.

Hmeichhe pathum chuan Trump-a hian presidnent a ni hma khan mipat hmeichhiat lam hawiin mawi lo takin a khawih niin an sawi a, hei vang hian a thiltih hi chhui chiang turin Congress-ah an phut a ni. Heng hmeichhiate hian nikuma president thlan dawna campaign laiin hemi chungchang hi an lo sawichhuak tawh a ni.

Mahse White House chuan heng hmeichhiaten President an puhna chu thu dik lo a nih thu a sawi. White House thupuangtu Sarah Huckabee Sanders chuan president hian an puhna hrang hrangte hi a mal te tea chhangin, thu dik lo vek a nih thu a sawi a ni, a ti. President Trump an puh chungchang hi president atana thlan a nih hma daih tawh a ni a, mahse inthlanah pawh dik takin President Trump chu thlan tlin a ni a, heng vote hmang hian heng mite puhna hi chhan fel a ni tawh a ni, a ti.