EU-in tourism sector tan guideline siam

European Commission chuan hripui leng vanga hun rei tak chhung tourism sector lam hna thawk thei loa an chawlh hnuin, hna an thawh chhunzawm theihna turin guideline a siam. 

EU-in guideline a siamah hian tourism lam chu hna thawh phalsak a, hotel leh restaurant-te pawh hawn a nih theihna tur ruahmanna siam a ni. Hei bakah hian EU member ramte chuan an mite  chu EU hnuaia awm, ram danga an chhungte chu thil pawimawhah an tlawh phalsak turin a ti bawk. Hemi rual hian ṭul bik thil ni loa zin chhuah khapna a siam erawh chu ni 30 dang pawhsei a, June 15 thleng khuahkhirh  hna hi hmang chhunzawm turin a rawt thung.