Syria sorkar leh eptuten inbiakna chhunzawm

Syria rama remna leh muanna a awm theihna atana Syria sorkar leh eptu pawl aiawhten inbiakna an neih chhunzawm. Hei hi UN kaihhruaina hnuaiah Syrian peace talk an neih ṭum riatna a ni.

UN Sepcial Envoy for Syria Staffan de Mistura chuan sorkar aiawh leh eptu pawl aiawhte hi a hran ve vein meeting a neihpui a, sorkar aiawhte hi UN respresentative Bashar al-Jaafari an a ho a ni.

Eptute chuan an ram mipuite tan sorkar aiawhte nen hian UN Special Envoy kaihhruaina hnuaiha hmaichhana an inbiak a ngai tawh a, UN Security Council Resolution 2254 behchhanin inbiakna kalpui a ngai a ni, a ti. An duh ber chu mipuite tana Syria ram him taka siam a, hmun danga himna zawnga tlanchhiate pawh ngaihngam taka an kir leh ngamna tur boruak ṭha siam a ni, an ti.

Hemi rual hian eptute chuan President Bashar al-Assad chu paihthlak ngei an duh thu an sawi nawn leh.

UN kaihhruaina hnuaia Syria peace talk hi November 28 khan ṭan thar leh niin, December 15 thleng neih a ni ang.