China-in Nanjing masscre champha 80-na hmang

China chuan nimin khan kum 80 liamtaa Japan sipaiten Nanjing insuatna an thlen hriatrengna hun an hmang.

President Xi Jinping chuan hriatrenga inkhawm,Nanjing-a Memorial Hall-a buatsaih hi a hmanpui a, inkhawm ṭan dawn hian siren tih rik a ni a, a hnuah remna dar ri tihrik ni lehin, ṭhuro eng emaw zat chhuah an ni bawk.

China-in a tarlan danin, kum 1937, December 13 khan Japan sipaite chuan Nanjing khua hi an lut a, Japan sipaite rawng taka chetna thlengah hian civil mi sipai 300,000 vel an thi a, innghaisak, pawngsual, in halsak leh rukruk te a thleng nasa hle bawk. Kum 2014 aṭang khan China chuan December 13 hi Natinal Day of Remembrance atan a puang a ni.

Kum 1930 chho khan Japan hian China hi beiin, kum 1927-1945 inkar chhung kha nasa takin an indo a, mahse Indopui II-naa Japan a tlawm tak avangin an indona pawh hi a tawp zui a ni. China hian he indonaah hian a mi leh sa a chan hnem hle.