Somalia-a thihchilh bomb puakah mi 15 thi

Somalia khawpui, Mogadishu-a police training camp-ah nimin khan mi pakhatin thihchilh bomb a tipuak a, police officer 15 an thi.

Police thupuangtu Major Mohamed Hussein chuan bomb tipuaktu hian a taksaah bomb hi ṭawngbetin, police-ten morning parade an neih laiin General Kahiye Police Training Academy hi luhchilhin a tipuak ta niin a sawi. Mi 15 an thih bakah mi dang 17 in hliam an tuar tih a sawi bawk. Islam firfiak pawl, al-Shabaab chuan he pawikhawihna thleng hi an pawl tih nia sawiin, thi zat pawh hi official lam puan aiin an tam zawk niin an sawi.