Israel-in helho post bei

Israel chuan Gaza Strip aṭanga rocket hmanga an ram kah a nih hnuin, nimin zing khan Gaza-a helho post-te a bei zui ve nghal.

Official-te chuan Israel air force hian Hamas armed wing Islamci Resistance Movement hnuaia al-Qassam Brigades post an kap fuh niin an sawi a, air-to-surface missile hmangin helho post hi beih a nih thu leh, ṭum 10 zet an kah thu an sawi.

Israel sipaite beihpui thlakna avang hian thi leh hliam an awm hriat a ni lo a, mahse post leh a bul hnaia inte chu a chhe nasa hle thung.

US President Donald Trump-an Israel khawpuia Jerusalem a pawm thu a puan hnuah Israel leh Palestinina inkar boruak hi a chhe zual hle a, hmun hrang hrangah Palestinian miten lungawi lohna nan lantir a, Gaza-a buaina chhuakah mi paruk an thi a, mi 2,000 chuangin hliam an tuar tawh a ni.