Ram kang vangin Santa Barbara-a chengte thiarchhuak

US-a California state-ah ram a kan thar leh avangi Santa Barbara County-a chengte chu hmun him lama inthiarchhuak tura hriattir an ni.

December 4 aṭanga California state chhim lama ram kang, Thomas Fire tih hi ṭhelh mih a la ni lo a, Inrinni khan nasa takin a kang thar leh a ni. Kangmei chhuak hian ram sq km 1,000 biala zau a kang chhe tawh a ni.

Ram kang vang hian mi pahnih an thi tawh bawk.

Kangṭhelhtu 8,000 chuangin ram kang ṭhelh hna hi an thawk mek a, chenna in 750 bakah structure 1,000 vel a kang chhe tawh. Ram kang ṭhelh hna thawhna atana senso hi dollar maktaduai 104 a tling tawh nia sawi a ni. Helicopter 32 leh thlawhtheihna dang panga hmangin ṭhelh mek a ni a, kang mei chhuak hi 40% vel chu an ṭhelh mit thei tawh a ni.

California Department of Forestry and Fire Protection (Cal Fire) chuan an state-a ram kang

ṭhelh hna thawhna atana an senso chu dollar maktaduai 1,100 vel a tling tawh niin an sawi. Cal Fire operation section chief, Mark Brown chuan kum 1932 hnua ram kang an tawrh nasat ber a nih thu a sawi.