Argentina navy hotu ban

Argentina tuihnuai lawng, thawktu 44 awmna chu thla khat liamtaah khan chin hriat lohin a awm a, he thil thleng vang hian navy hotu, Admiral Marcelo Srur chu ban a ni.

Kar kalta Inrinni khan tuihnuai lawng boa thawktu chhungte chu an ram khawpui, Buenos Aires-a president chenna in kawtah an pungkhawm a, poster leh banner-te kengin thuneitute hnenah tuihnuai lawng, ARA San Juan chu hmuh a nih hma chuan zawn chhunzawm turin an ngen. Thawktu chhungten nawrh an huaihawt hnuah hian Navy hotu hi ban a ni.

ARA San Juan hi khawl lamah harsatna a neih thu a report hnu lawkah, November 15 aṭang khan a chin hriat lohin a awm zui a ni. Theihtawp chhuaha zawn a nih hnuah, kar hnih liamtaah khan Argentina sorkar chuan a submarine puak thawm nia hriat ngei chu a awmna hnuhnung ber nia hriat aṭangin hriat a ni tih an sawi a, hei vang hian official-a zawn hna thawh pawh an titawp a ni. Mahse hemi hnuah pawh ram dang 18 te puihnain tuihnuai lawng hi zawn chhunzawm tho a ni.