Pakistan-ah biak-in bei

Pakistan-a Balochistan province khawpui, Quetta-ah nimin khan firfiakten Catholic kohhran biak-in an bei a, mi panga an kahhlum bakah mi dang 20 in hliam an tuar.

Firfiakte hian biak in inkhawm neih laiin bomb tipuakin inkhawmte chu silaiin an kap zui a ni.

He pawikhawihna thleng vang hian Quetta khawpui chhunga hospital zawng zawngah emergency puan nghal a ni bawk. Pawikhawihna thlenna hmunah hian police leh rescue team-te tirh nghal an ni a, nimin chawhnu lam thleng khan firfiakte leh security force-te chu an la inkap zui a ni.